11. ശങ്കു തീര്ത്ഥം
------------------------------
ക്ഷേത്രത്തിന്റെ ഉള്പ്രകാരത്തിലാണിത്. നന്ദികേട് കാട്ടിയതിലൂടെ വത്സനാഭ മുനി വരുത്തിയ പാപം മുക്തമാക്കിയ തീര്ത്ഥം.
12. ചക്ര തീര്ത്ഥം
----------------------------
ക്ഷേത്രത്തിന്റെ ഉള്പ്രകാരത്തിലുള്ള ഈ തീര്ത്ഥം സൂര്യന് സ്വര്ണ്ണക്കൈകള് ലഭ്യമാക്കി.
13. ബ്രഹ്മഹത്യാവിമോചന തീര്ത്ഥം
----------------------------------------------------------
പേരു പോലെ തന്നെ ബ്രഹ്മഹത്യാ ദോഷത്തില് നിന്നു മുക്തി നേടാന് സഹായിക്കുന്ന തീര്ത്ഥം. ചക്ര തീര്ത്ഥത്തിനു സമീപം.
14. സൂര്യ തീര്ത്ഥം
---------------------------------
ഇതു ക്ഷേത്രത്തിന്റെ ഉള്പ്രകാരത്തില് തന്നെ. തൃകാലജ്ഞാനവും കാലാനുസൃത പ്രാപ്തങ്ങളും ഇവിടത്തെ കുളിയിലൂടെ കൈവരിക്കാം.
15. ചന്ദ്ര തീര്ത്ഥം
----------------------------
സൂര്യതീര്ത്ഥത്തിനു സമീപമുള്ള ചന്ദ്രതീര്ത്ഥത്തിന്റെ ലക്ഷ്യവും തൃകാലജ്ഞാനവും കാലാനുസൃത പ്രാപ്തങ്ങളും കൈവരിക്കുന്നതു തന്നെ.
16. ഗംഗാ തീര്ത്ഥം
-------------------------------
ചന്ദ്ര തീര്ത്ഥത്തിനു സമീപത്തുള്ള ഈ തീര്ത്ഥം ജ്ഞാനശ്രുതി രാജാവിന് ജ്ഞാനലാഭം നേടിക്കൊടുത്തുവെന്ന് ഐതീഹ്യം.
17. യമുനാ തീര്ത്ഥം
---------------------------------
ജ്ഞാനശ്രുതി രാജാവിന് ജ്ഞാനലാഭം നേടിക്കൊടുത്ത മറ്റൊരു തീര്ത്ഥം. ഗംഗാ തീര്ത്ഥത്തിനു സമീപം.
18. ഗയാ തീര്ത്ഥം
-----------------------------
ജ്ഞാനശ്രുതി രാജാവിന് ജ്ഞാനലാഭം നേടിക്കൊടുത്ത മറ്റൊരു തീര്ത്ഥം. ഗംഗാ തീര്ത്ഥത്തിനു സമീപം.
19. ശിവ തീര്ത്ഥം
------------------------------
നന്ദി മണ്ഡപത്തിനു സമീപം. ഇവിടെ കുളിച്ച് ഭൈരവര് ബ്രഹ്മഹത്യാപാപ മുക്തി നേടി.
20. സത്യമിത്ര തീര്ത്ഥം
------------------------------------------
ശ്രീ പര്വ്വതവര്ദ്ധിനി അമ്മന് സന്നിധിക്കു സമീപം. പുനരുനു ചക്രവര്ത്തി ശാപദോഷ പരിഹാരം ചെയ്ത തീര്ത്ഥം.
21. സര്വ്വ തീര്ത്ഥം
-------------------------------
ശ്രീ രാമനാഥ സ്വാമി സന്നിദ്ധിക്കു മുന്വശം. ശുതിരിശനര്ക്ക് ജന്മനാ ഉണ്ടായിരുന്ന അന്ധത, ജരാനര, ദേഹ ബലഹീനത എന്നിവ പരിഹരിച്ച തീര്ത്ഥം.
22. കോടി തീര്ത്ഥം
---------------------------------
ക്ഷേത്രത്തിന്റെ പ്രഥമ പ്രകാരത്തിലാണിത്. അമ്മാവനായ കംസനെ വധിച്ച പാപത്തില് നിന്നു മോചനം ലഭിക്കാന് ശ്രീകൃഷ്ണന് നിരാടിയ തീര്ത്ഥം.
രാമേശ്വരത്തെ മറ്റുപ്രധാന തീര്ത്ഥക്കുളങ്ങള്
***************************************************
അഗ്നിതീര്ത്ഥം
*******************
അഗ്നിതീര്ത്ഥം |
രാമതീര്ത്ഥം
****************
ശ്രീരാമനാഥസ്വാമിക്ഷേത്രത്തിന് പടിഞ്ഞാറ് ദിക്കിൽ സേതു റോഡിലാണ് രാമതീര്ത്ഥം. ധര്മ്മരാജന് പാപം പരിഹരിക്കാന് ഈ തീര്ത്ഥത്തില് നീരാടിയെന്ന് പറയുന്നു.
ലക്ഷ്മണതീര്ത്ഥം
********************
ശ്രീരാമനാഥസ്വാമിക്ഷേത്രത്തിന് പടിഞ്ഞാറ് ദിക്കിൽ സേതു റോഡിൽ രാമതീര്ത്ഥത്തിനടുത്തായാണ് ലക്ഷ്മണതീര്ത്ഥം. ബലരാമന് ബ്രഹ്മഹത്യാപാപദോഷം പരിഹൃതമാക്കിയ തീര്ത്ഥം.
സീതാതീര്ത്ഥം
*******************
ശ്രീരാമനാഥസ്വാമിക്ഷേത്രത്തിന് പടിഞ്ഞാറ് ദിക്കിൽ സേതു റോഡിൽ രാമതീര്ത്ഥത്തിന് അടുത്തായാണ് സീതാതീര്ത്ഥം.
ജടായുതീര്ത്ഥം
********************
രാമേശ്വരം ക്ഷേത്രത്തിൽ നിന്നും ഏകദേശം നാല് കിലോമീറ്റർ തെക്കായി സ്ഥിതിചെയ്യുന്ന തീര്ത്ഥമാണ് ജടായുതീർഥം. രാവണനിഗ്രഹം കഴിഞ്ഞ് മടങ്ങിവന്ന ശ്രീരാമൻ തന്റെ വസ്ത്രങ്ങൾ കഴുകിയ ജലാശയമാണിത് എന്ന് വിശ്വസിക്കപ്പെടുന്നു. ഇവിടെ നീരാടുന്നവര് ഏതു പാപകര്മ്മങ്ങളില് നിന്നും വിമുക്തരാവും.
വിൽഊറി തീർത്ഥം
**********************
ശ്രീരാമചന്ദ്രൻ ലങ്കയിൽ നിന്ന് സീതാദേവിയെ മോചിപ്പിച്ച് വരും വഴിയിൽ ദേവിക്ക് ദാഹശമനം നടത്തുന്നതിനായി ഒരു സ്ഥലത്ത് ശ്രീ രാമൻ ബാണം എയ്തതായും, അവിടെ ഒരു ജലധാര ഉണ്ടായതായും ഐതീഹ്യം പറയുന്നു. അങ്ങനെ ഉണ്ടായ ജലധാരയാണ് ഈ തീർത്ഥം. സമുദ്രത്തിലാണ് തീർത്ഥം സ്ഥിതി ചെയ്യുന്നത്. പക്ഷേ ഈ തീർത്ഥത്തിലെ ജലം ശുദ്ധജലമാണ്. തങ്കച്ചിമഠം എന്ന സ്ഥലത്താണ് ഇത് സ്ഥിതി ചെയ്യുന്നത്.
ഗന്ധമാദന പർവതം
***********************
രാമേശ്വരം ക്ഷേത്രത്തിൽ നിന്ന് വടക്കായി രണ്ടു കിലോമീറ്റർ ദൂരത്തിൽ ഗന്ധമാദന പർവതം സ്ഥിതിചെയ്യുന്നു. ഇവിടെ മൺതിട്ടയുടെ മുകളിൽ തളത്തോടുകൂടിയ മണ്ഡപം നിർമിച്ചിരിക്കുന്നു. ഈ മണ്ഡപത്തിൽ ശ്രീരാമന്റെ പാദങ്ങൾ കാണാം. ഇവിടെനിന്ന് വീക്ഷിച്ചാൽ രാമേശ്വരം നഗരത്തിന്റെ നയനാനന്ദകരമായ ദൃശ്യവും ദ്വീപിന്റെ പലഭാഗങ്ങളും കാണാം. അഞ്ജനേയ സ്വാമിയുടെ നിവാസസ്ഥാനം ആണ് ഇത്. കല്യാണ സൗഗന്ധ്യം തേടി ഭീമൻ വന്നതും ഈ പർവ്വതത്തിൽ ആണ് എന്നാണ് വിശ്വാസം.
തിരുപ്പുല്ലാണി ( ദര്ഭശയനം )
**********************************
ആദിജഗനാഥ ക്ഷേത്രം. |
രാമനാഥപുരം റെയിൽവേസ്റ്റേഷനിൽ നിന്നും പത്തുകിലോമീറ്ററോളം അകലെയാണ് ഈ സ്ഥലം. വിഷ്ണുക്ഷേത്രമാണ് പ്രധാന ആകർഷണം. ഈ ക്ഷേത്രം 108 തിരുപ്പതികളിൽ 44-ാമത്തെ ക്ഷേത്രമാണ്. പ്രധാന പ്രതിഷ്ഠ കല്യാണ ജഗനാഥനും പത്മാസനി അമ്മനുമാണ്. ഈ സ്ഥലത്ത് ശ്രീരാമൻ ദർഭപ്പുല്ലിൽ ശയിച്ചതായും സമുദ്രരാജാവായ വരുണനെ സ്മരിച്ചതായും വരുണൻ എത്തിച്ചേരുന്നതിന് താമസമുണ്ടായതിനാൽ കോപിഷ്ടനായ ശ്രീരാമൻ വരുണന്റെ അഹങ്കാരശമനം നടത്തിയതായുമാണ് ഐതിഹ്യം. ഇവിടെ പട്ടാഭിഷേക രൂപത്തിലുള്ള ശ്രീരാമ വിഗ്രഹവും കാണാം. ഈ ക്ഷേത്രത്തെ കുറിച്ചുള്ള കൂടുതൽ വിവരങ്ങൾ അദിജഗനാഥ ക്ഷേത്രം, തിരുപ്പുല്ലാനി നോക്കിയാൽ മതി.
ദേവിപട്ടണം
***************
നവഗ്രഹ ശിലകൾ |
ശ്രീ ഗോദണ്ഡരാമക്ഷേത്രം
****************************
ആഞ്ജനേയക്ഷേത്രം
************************
വെള്ളത്തിൽ പൊങ്ങിക്കിടക്കുന്ന കല്ലുകൾ പ്രദർശിപ്പിച്ചിട്ടുള്ള ആഞ്ജനേയക്ഷേത്രവും തീർഥാടകരെ ആകർഷിക്കുന്നു. രാമസേതുനിർമ്മാണത്തിന് ഉപയോഗിച്ചിരുന്നത് ഇത്തരം കല്ലുകളാണെന്നാണ് വിശ്വാസം.
പഞ്ചമുഖ ഹനുമാൻ സ്വാമി |
ധനുഷ്കോടി
*****************
രാമേശ്വരം ദ്വീപിന്റെ തെക്കേ അറ്റമാണ് ധനുഷ്കോടി. ഇതിനു കിഴക്കു ഭാഗത്ത് സമുദ്രം ബംഗാൾ ഉൾക്കടൽ (മഹോദധി) എന്നും പടിഞ്ഞാറു ഭാഗത്ത് ഇന്ത്യൻ മഹാസമുദ്രം (രത്നാകരം)എന്നും അറിയപ്പെടുന്നു. രാമേശ്വരം പട്ടണത്തിൽ നിന്നും 18 കിലോമീറ്റർ അകലെയായാണ് ധനുഷ്കോടി സ്ഥിതി ചെയ്യുന്നത്. ധനുഷ്കോടിയിൽ നിന്ന് അരിച്ചൽ മുനമ്പ് വരെ നമുക്ക് പോകുവാൻ സാധിക്കും. ചില ദിവസങ്ങളിലെ കാലാവസ്ഥ കാരണം ധനുഷ്കോടി വരെ മാത്രമേ വണ്ടി വിടുകയുള്ളൂ പിന്നെ കാൽനടയായി യാത്ര പോണം. എന്തായാലും ഞങ്ങളും ഇങ്ങനെ ഒരു ദിവസമാണ് അവിടെ എത്തിയത്. അതിനാൽ തന്നെ ധനുഷ്കോടി മുതൽ അരിച്ചൽമുനൈ വരെ 5 കിലോമീറ്റർ നടന്നു. രണ്ട് വശത്തെയും സമുദ്രത്തെ ആസ്വദിച്ചുള്ള ആ കാൽനടയാത്ര രസകരം തന്നെ ആയിരുന്നു. മുനമ്പിൽ നമ്മെ സ്വഗതം ചെയ്യുന്നത് അശോകസ്തംഭം ആണ്. കൂടാതെ രണ്ട് സമുദ്രങ്ങളും ഒന്നായി ലയിക്കുന്ന കാഴ്ചയും. ശ്രീരാമ സ്പർശം ഏറ്റതിനാൽ ആവണം സമുദ്രം ശാന്തമായി കിടക്കുന്നത്.
ഞങ്ങൾ ധനുഷ്കോടിയിൽ... |
ഐതിഹ്യം
--------------------
ധനുസ്സിന്റെ അറ്റം എന്നാണ് ധനുഷ്കോടി എന്ന വാക്കിന്റെ അർത്ഥം. രണ്ട് കഥകളാണ് പൊതുവെ പറയപ്പെടുന്നത്.
രാമൻ സേതുബന്ധനം തീർത്തത് ഇവിടെനിന്നാണെന്ന് രാമായണം സൂചന നൽകുന്നു. ഹിന്ദു പുരാണഗ്രന്ഥങ്ങൾ പ്രകാരം, സീതയെവീണ്ടെടുക്കാൻ ശ്രീരാമൻ ലങ്കയിലേക്ക് സേതുബന്ധനം നടത്തുമ്പോൾ പണി തുടങ്ങാൻ തന്റെ ധനുസ്സ് കൊണ്ട് അടയാളപ്പെടുത്തിയിരുന്നത് ധനുഷ്കോടിയുടെ തെക്കേ അറ്റമായിരുന്നു എന്ന് ഒരു ഐതിഹ്യം.
യുദ്ധാനന്തരം തിരികെ വരുമ്പോൾ രാവണന്റെ സഹോദരനും തന്റെ ഭക്തനുമായ വിഭീഷണന്റെ അപേക്ഷപ്രകാരം, ഭാരതതീരത്തെ ലങ്കയുമായി ബന്ധിപ്പിക്കുന്ന സേതുവിന്റെ ഒരറ്റം ശ്രീരാമൻ തന്റെ ധനുസ്സിന്റെ അറ്റം കൊണ്ട് മുറിച്ചുകളഞ്ഞു. ലങ്കയിൽ നിന്നും രാക്ഷസന്മാർ തിരികെ ഭാരതത്തിലേക്ക് കടക്കാതിരിക്കുവാൻ വേണ്ടിയായിരുന്നു അത് എന്ന് മറ്റൊരു ഐതിഹ്യം.
ഇവിടെ നിന്നും നോക്കിയാല് നമ്മുക്ക് രാമന്റെ പാലം (സേതുബന്ധനം) കാണാനാവില്ല. ഉള്ക്കടലില് പോയാല് പാലം കടലിനടിയില് കാണാനാവുമെന്നു പറയപ്പെടുന്നു. അതു പരീക്ഷിക്കാന് ധൈര്യമുള്ളവര് കുറവാണ് എന്നുതന്നെ പറയാം.
രാമേശ്വരം ദ്വീപില് രാമായണ കഥയുമായി ബന്ധപ്പെട്ട പുണ്യസ്ഥലങ്ങള് ആണ് ഇതുവരെ പറഞ്ഞത്.എതെങ്കിലും സ്ഥലം വിട്ടുപോയെങ്കില് ക്ഷമിക്കണം...
* * * * * * * 🙏 * * * * * * *